دائره التعريص القوقازيه

تخيل نفسك أب أو أم لأسره بسيطه فى قريه نائيه من قرى مصر .. عندكم 4 أولاد مختلفى الشخصيات و التوجهات ..

واحد منهم قرر يبقى ثورى و يدافع عن حقوق الناس و يطالب بوطن أفضل و أنضف و أكثر عداله .. نزل مظاهره سلميه .. أعتقل و أهله مايعرفوش عنه حاجه .. والنظام و بهاليله بيشتموا فيه ليل نهار و بيتهموه بالعماله و تخريب البلد

التانى .. حس إن مفيش فايده .. فباع اللى وراه واللى قدامه و قرر يسافر فى مركب هجره غير شرعيه أملاً فى حياه أفضل .. بس للأسف المركب غرقت .. والنظام و بهاليله و معرصينه بيشتموا فيه ليل نهار و بيتهموه بالجشع و الكسل و الرغبه فى الثراء السريع

الثالث .. إنسان بسيط قرر إن يأكل عيش و يرضى بالموجود .. إشتغل على توكتوك .. و طالع عين أهله من غلاء الأسعار و تدنى الخدمات الصحيه و التعليميه .. فلما قرر يشتكى و يفضفض النظام و بهاليله و معرصينه شتموه و إتهموه بإنه عميل و مأجور و جاحد و ناكر للجميل و بيحاول يشوه سمعه مصر و يعمل مناخ تشاؤمى

الرابع بقى لسه مخلص تعليمه .. فالبلد قررت إنه مطلوب للتجنيد الأجبارى .. و عشان هو من أسره بسيطه و معندهوش واسطه .. تجنيده كان فى سيناء فى نقطه على الحدود غير مؤمنه أو مسلحه بشكل كافى .. إمبارح إتقتل و رجع لأهله فى صندوق .. فالنظام و بهاليله و معرصينه نشروا صورة جثته و إتشحتفوا عليها و تاجروا بيها و شتموا أهله و إخواته التانيين دفاعاً عن النظام

هى دى حياه 90 مليون مواطن فى مصر .. ما بين ثورى و مهاجر و سواق توكتوك و مجند و أب محدود الدخل و أم ثكلى و رجل نظام فاشل و مغفل و معرص 

عن الثورات المصريه و رموزها ..

إذا ما إعتبرنا أن مصر فى السنوات الثلاثه السابقه قد قامت بها ثورتان 25 يناير و 30 يونيو و فى الوقت الذى يحاول فيه بعض كلاب ومريدين نظام مبارك إعتبار ثوره 25 يناير مؤامره و نكسه و مصدر للخراب رغباً منهم فى إستعاده مكانتهم و وضعهم السابق ككلاب منتفعه من فساد النظام و يحاول نظام السيسى الجمع بين الثورتين و خلط الحابل بالنابل و الحديث عن إراده الشعب التى يسعى لترسيخها و تنفيذ مطالبهم كى لا يخسر شعبيه إحدى الجبهتين و يحاول من تبقى على قيد الحياه من مؤيدى ثوره يناير الذين لم يتم قتلهم أو إعتقالهم أو إخراجهم من المشهد تحد التهديد و الترهيب و بأومر عليا إستعاده توازنهم و لملمه أوراقهم و معرفه الخطوه القادمه و فى ظل عبثيه المشهد و تضارب المصالح و التشويه الأعلامى لكل القيم الأخلاقيه النبيله التى دعت لها تلك الثورات حاولت أن أرى عن قرب أى منهم كانت ثوره حقيقه تهدف للإصلاح و التغيير للأحسن من خلال التدقيق فى رموز كل من الثورتين و دلالات و جودهم فى صداره المشهد.

كانت ثوره 25 يناير مبهره و جذابه و نقيه كرموزها .. كانت حكيمه و حالمه مثل د. محمد البرادعى .. مبدعه وعبقريه مثل الشاعر مصطفى إبراهيم .. حماسيه ومنطلقه مثل غناء ساميه جاهين و فريق إسكندريلا .. شفافه و نقيه مثل أداء الأعلاميه ريم ماجد .. ساخره وذات نقد لاذع مثل كتابات بلال فضل و برنامج باسم يوسف .. ساذجه و مضحيه مثل نواره نجم .. أخلاقيه و مثاليه مثل أداء الأعلامى يسرى فوده .. عميقه و إنسانيه مثل كتابات عمر طاهر .. نبيله و صادقه و مناضله مثل ماهينور المصرى و منى سيف و العديد من شباب الثوره من الجنود المجهولين الذين ضحوا بأرواحهم و أجسادهم و حرياتهم فى سبيل إنجاح الثوره والرغبه فى التغيير و رؤيه مصر كما تمنوها

و بالنظر إلى مرحله ما بعد 30 يونيو و رموزها نجد على رأسها الفريق السيسى الحاصل على لقب مشير دون وجه حق مرحله لزجه و مدعيه و جوفاء مثله .. جاهله و بلهاء مثل توفيق عكاشه .. متغطرسه و حمقاء مثل عمرو مصطفى .. وضيعه و خسيسه كأداء أحمد موسى و عبدالرحيم على الأعلامى .. متسلقه و ديوثه مثل مصطفى بكرى .. ضحله وغبيه  ومحدوده الخيال و الذكاء  مثل الخبراء الأستراتيجيين و مقدمات البرامج من المتيمات بجنرال الأحزان دون أى سبب منطقى !! 

الثوره و مريض السرطان

كان حال البلاد ما قبل ثوره يناير أشبه بمريض السرطان الغير عالم بمرضه و لكنه يشعر بأن هناك شئ ليس على مايرام , هو يمارس جميع أنشطته اليوميه و لكن بكسل و تراخ و ألام فى أماكن متعدده من جسده , يعيش حياته و لكن بجوده أقل من المعتاد , كان يبدو أن البلد مستقره أمنياً و إقتصادياً و لكنها فى حقيقه الأمر كانت هشه و معتلّه إقتصادياً و صحياً و إجتماعياً و سياسياً (يمكنك الرجوع للإحصائيات العالميه لعدد السكان تحت خط الفقر و معدلات النمو و نسب التلوث و أعداد المصابين بأمراض الكبد و الكلى و سرطان الأطفال و حالات الأكتئاب و حوادث القتل و السرقه و التحرش و الأغتصاب و تراجع مكانه مصر الدوليه و الأقليميه فى فلسطين و الشرق الأوسط و الخليج و أفريقيا "دى بوروندى وقعت على إتفاقيه المياه يا راجل .. بوروندى ! ") كل هذا و لكن كان الحال ماشى

إلى أن جاء يوم 28 يناير و سقط النظام الأمنى الهش للدوله و علم أهل المريض (الشعب المصرى) بحقيقه مرضه و بأنه يعانى من السرطان و أن حياته مهدده بالخطر و أنه معرّض للموت و كان يجب إتخاّذ قرار حاسم بشأن المرض و هنا إنقسم أهل المريض إلى ثلاث طوائف

الثوار : و هم المجموعه التى كانت مع أن العمليه لازم تتعمل رغم خطورتها و يجب أن يتم إستئصال الورم نهائياً .. "مش هنمشى .. هو يمشى" ا

ا
ربات البيوت و البسطاء : و قد كانوا مع الرأى القائل بأن العلاج الكيماوى و الأشعاعى قد يعطى نتائج على المدى البعيد دون الحاجه لأجراء عمليه و عصفور فى اليد خير من 10 عل شجره " كده كويس .. و كلها 6 شهور و يمشى و المكاسب اللى حققناها مش بطاله و مهو غيرلكم الحكومه وعدّل الدستور أهو و بعض التهديدات و التحذيرات الأخرى" ا

ا
الموالين و فلول النظام : وهم المنتفعين و الطامعين فى الميراث وقد كانوا مع الرأى القائل بأن ده راجل كبير و ممكن يموت فيها لو عرف إن عنده سرطان إحنا مش هنقله خالص و إنشاء الله ربنا يشفيه .. ربنا كبير " ده بطل حرب أكتوبر .. ده راجل كبير و خدم البلد و زى بابا .. حرام عليكم أنتوا عايزين تخربوا البلد عشان 50 جنيه و وجبه كنتاكى و الكثير من الحديث عن الأجندات الأجنبيه و الأيدى الخفيه التى تعبث بأمن البلاد " ا

وتم بحمد الله إتخاذ القرار بأجراء عمليه الأستئصال (نزولاً على رغبه الثوار) و بتوفيق الله وغباء بقايا النظام الذين أخبروا المريض بحقيقه مرضه دون قصد عن جهل و غباء يحسدوا عليه

نحن الأن فى مرحله النقاهه و المتابعه الصحيه للمريض بعد إجراء العمليه .. من المنطقى تماماً ان يكون المريض فى حاله ضعف و هشاشه نتيجه لتوحش المرض و توغله فى جسده و من المنطقى تماماً أن يحتاج إكتمال شفائه إلى الكثير من الوقت و المجهود و الرعايه و تضافر الجهود لكى يستعيد صحته

ولكن ما ليس منطقى على الأطلاق هو موقف باقى أهالى المريض منه نتيجه لعدم أنصياعه لرأيهم فجموعه البسطاء و ربات البيوت يقومون الآن بمعايرته .. شايف و شك أصفر إزاى و صحتك عدمانه .. أدى أخره العمليات و اللى خدناه من العمليات .. مش كفايه خسرت صحتك لأ كمان صرفت كل اللى حيلتنا على العمليه !! " ما كانت البلد ماشيه و قالكم هيعدل الدستور عاجبكم حال البلد دلوقتى إنفلات أمنى و كل يوم مظاهره و السياحه إتضربت و الأقتصاد بينهار ؟!" ا

و على الجانب الأخر يقف باقى أهل المريض من المنتفعين و الراغبين فى موته طمعاً فى الميراث حاملين لافتات مكتوب عليها

!! " Cancer"إحنا أسفين يا ا

التنازل الأول و الأخير

لا تتنازل .. ف دائماَ ما كان التنازل الأول هو مصدر كل الشرور .. فالتنازل الأول يجلب المزيد من التنازلات

منذ بدأ الخلق و التنازلات هى الخطيئه البشريه الأبديه و مدخل الشيطان الرئيسى .. أول تنازل كان لأدم أبو البشر حين أكل من الشجره المحرمه رغم ما تمتع به من نعم الجنه و تحذير الله له من عدم الأكل منها .. و كان جزائه ان طرد من الجنه نتيجه لهذا التنازل البسيط - أكل من شجره - !! ا

دائما ما كان التنازل الأول هو مدخل الشيطان و فى الموروث الثقافى دائماَ ما ترددت العباره الخالده (أول مره هى أصعب مره و بعد كده هتتعودى) على لسان أحدى العاهرات المخضرمات ناصحهَ بها احدى الفتيات المستجدات .. انه التنازل الأول

فى علم النفس هناك ما يعرف بالحاجز النفسى للخطيئه و كسر الحاجز النفسى للمخطئ هو اهم خطوه يحدثها التنازل الأول .. بعد ذلك يكون القيام بالخطأ شئ سهل و معتاد

الناس فى مصر زمان كانوا معروفين بالشهامه و الأصاله و التدين و حب الخير و الترابط الأسرى و هو ده كان دايما خط دفاعهم ضد التنازل حتى الفقرا و البسطاء كان دايما عندهم ايمان و رضا بحالهم وكان فيه قناعه بأن (محدش فى مصر بيبات من غير عشا) كان فيه ترابط اجتماعى و تدين و أخلاق أما دلوقتى بقى كل حاجه بتتباع وتشترى .. عشان الناس اتعودت على التنازل

الدين .. بقى فى شيوخ فضائيات بيبيعوا فتاوى و صكوك غفران و تعصب اعمى و بقى كله تدين ظاهرى - حجاب من فوق و أستريتش من تحت - مظهر متدين و سلوك منحرف

الفن .. بقى مبتذل و مشوّه على طريقه السبكى و اهو اى حاجه بتجيب فلوس/ سبوبه

ا
السياسه .. مع ظهور القوادين - يوجد تعبير شعبى أكثر دقه لا داعى لذكره - بالصحافه و المنتفعين على الساحه السياسيه و ظهور النواب اللصوص و الجهله و المصفقين بمجلس الشعب المصدر الرئيسى لأصدار القوانين والتشريعات ومراقبه الأداء الحكومى اصبح العبث هو المسيطر على الموقف و اختلطت المعاير واصبح اللصوص و الخونه فى الصداره يتحدثون عن الشفافيه و النزاهه و العمل من اجل مستقبل الوطن و اختفى الشرفاء و المهتمين بالإصلاح و إتهموا بالعماله وإثاره البلبله و تكدير الصفو العام !! ا

كل هذا حدث نتيجه لسلسله من التنازلات .. تنازلات دينيه و اخلاقيه من العلماء و الشيوخ .. تنازلات فنيه من الفنانين .. تنازلات شعبيه من المواطنين فى حقوقهم و واجباتهم .. الكل تنازل على طريقه (خليك فى حالك و كل عيش) و دلوقتى البلد بتنهار و قريبا مش هيلاقوا العيش اللى اتنازلوا عشان ياكلوه
و بمناسبه التنازل .. اسمع الأغنيه دى .. معبّره جداَ

http://www.youtube.com/watch?v=e4iDiIJX67c

وضع عبثى

مفيش حد بيعيش مع الحرامى فى نفس البيت طول عمره عشان يسرقه كل يوم !! ده وضع عبثى إبن حرام

مهو يتسيبله البيت وتمشى يا تطلّعه من البيت .. لكن إنك تتفق معاه إنه يمشى بس يسيبلك إبنه يقعد معاك مع وعد انه مش هيسرقك تبقى إنت اللى إبن تيييت و تستاهل اللى يجرا لك إنت وأهلك و إتبرع ولو بجنيه و مصلحه الضرايب مصلحتك أولاَ والغاز غازك والمصرى دائماَ على حق يقول للغلط لأ وأنا بشتغل فى حديد عز و إلحق القطر قبل مايفوتك عشان البلد بتتقدم و مصريتنا وطنيتنا حماها الله .. الله الله .. الله الله

عن الشطافه أتحدث

أنا بس نفسى أعرف .. ليه مفيش فى أوربا شطافه ؟ كده كده المياه ضايعه وعندهم سيفونات .. أشمعنى بقى الشطافه ولا هى وساخه والسلام ؟

مع أن الناس تلقيها نضيفه فى كل حاجه لبسها وشكلها والشوارع .. فعلاَ حاجه غريبه

:) والنبى اللى يعرف يرد عليا .. أنا والله عايز أسئل حد من أوربا بس مش عارف يعنى أيه شطافه بالأنجليزى ؟

و أسف لو الموضوع كله سباكه و شطافه وسيفون بس هى فعلاَ حاجه غريبه

.

...

.

ده أيه البلوجرز المعفنه دى يا أختى .. بقى يغيب يغيب ويرجع يقولك شطافه ؟

Satisfaction ..

Satisfied like a cat after a warm meal !!

.

Thanks God

السعاده

...

السعاده هى أن ترى السعاده فى وجوه أرهقها البؤس و الشقاء

...

ثقافة الجوجوجوجوجوووو

أنتشرت فى الأونه الأخيره بعض الأغانى الشعبيه – شعبيه أوى .. اللى هى أغانى شعبان عبد الرحيم بالنسبه لها سيمفونيات شديده الرقى – وهى عاده ما تستخدم فى الأفراح الشعبيه وتكون مصاحبه بكميات مهوله من الحشيش و البيره .. لزوم التذوق الفنى

وعلى الرغم من دناءه و إسفاف المستوى الفنى لتلك الأغانى .. إلا اننى لاحظت إنجذابى الى بعض الجمل اللحنيه فى تلك الأغانى .. يمكن عشان جديده أو كوميديه و الكلمات كمان ساعات بتبقى مسخره .. مش عارف ليه حاسس أن فيها بعض الأبداع على الرغم من إنحطاط مستواها الفنى

إبداع ناتج عن قاعدة حشيش فنيه عاليه الجوده – دى إصطفه الحشيش مش القاعده – بس فى الأول و الأخر إبداع

لاحظ الأبداع فى جملة " جوجوجوجوجووو جوجوجوجوجووو .. يابا يابا يابا " أو " عينى ليل للليل لليليلى .. روحى لول لللول للولولو " أو " كوكا كوكا كوكا .. كوكا كوكا كوكا " وأخيرا .. رائعه المبدع عبد الباسط حموده " أنا مش عارفنى .. أنا توتت/توهت منى" ولاحظ هنا أن كلمه "توهت" بينطقها "توتت" دليل على شده التوهان !! ا

زى ما فيه ناس بتتذوق ال "هيفى ميتال" يمكن تتذوق هذا الكم من الجوجوجوجوجووو و العينى ليل لليليل ليليلي .. وتصل للعالميه و ربك بيرزق .. على الأقل أحسن و أرقى من افلام السبكى !! ا

ملحوظه

أنا فعلا بستظرف بعض الأغانى دى .. ساعات بتطلب تهييس .. مش هقدر أحط اللينكات بتاعتها عشان ده يعتبر افساد للذوق العام .. بس اللى عايز يقوللى (; ا

.

العيد فرحه ;)

0900

أنا مش عارف مين إبن الحرام اللى أخترع موضوع ال 0900 ده ؟

ده واحد إبن لذينه مش هيورد على جنه .. شيطان .. أستغل الضعف و الغباء البشرى فى أنه ينصب على الناس .. إتصل وهنعملك كل حاجه

ا

إتصل و هتكسب .. إتصل وهتكسب جوائز رهيبه عشان أنت العبيط الوحيد اللى عرف حل السؤال العبيط .. أو معرفش .. أو كانت الأسئله صعبه وجرب حظك المره الجايه .. أو حتى محدش سألك خالص المهم أنك تتصل وهتكسب .. عشان أنت زى الفل ونيتك صافيه وكل الناس بتقولك إتصل وهتكسب .. مش معقوله البنات اللى زى القمر دول يكونوا بيكذبوا عليك و ريكو و عماد بعرور .. عايز ايه أكتر من كده ؟

إتصل وقول رأيك .. اللى هو فظيع .. وطبعاَ مش عارفين من غيرك كنا عملنا أيه ؟ .. وانت عشان بتفهم فى كل حاجه سياسه وكوره وفتوى وفن فهتتصل عشان الناس اللى كانوا هيضيعوا من غيرك دول .. أو تتصل عشان تصوت للناس اللى محتاجين لصوتك .. حونين أوى بروح خالتك

إتصل وقول توقعاتك .. لماتش النهارده .. عشان انت أبن جنيّه مكشوف عنك الحجاب .. وأنشاء الله هنكسب (5-2) يخرب بيت الدقه يا أخى

إتصل بالخط النفسى .. باقه من أحسن علماء "علم النفس" جايبنهم من على القهوه .. هيحللوا شخصيتك ويقولولك أنت أيه اللى تعبك وهيظبطوك آخر تظبيط .. آآآآه وأتصل "بسماح أنور" من الساعه 1 للساعه 2 بعد نصف الليل وقولها على مشاكلك وهى هتحلهالك .. سماح أنور ؟!! لييييه لاسمح الله ؟ يعنى انا أحكى لسماح انور على مشاكلى بصفاتها أيه ؟ حراااااا م .. مش كده ابداَ

إتصل بالخط الجنسى .. بجملة بقى .. هيقولولك على مشاكلك الجنسيه ويعالجولك البروستاتا و يخلوك عنتر زمانك وهتخلّف فى أخر المكالمه .. تفهم ايه انت فى الجنس يا حمار ؟

إتصل وقول على تاريخ ميلادك وتاريخ ميلاد اللى بتحبه أو أسم أمك وأسم أم اللى بتحبه وأحنا نقولك هتتجوزوا ولا لأ .. يا أخى (---) أصل هى كانت واقفه على موضوع الأبراج ده .. كل حاجه محلوله .. الشقه و الشبكه و المهر .. أهم حاجه التوافق الفلكى .. ربنا يستر بقى

إتصل بالخط الدينى .. ونزل كل الأدعيه .. و خد الفتوى اللى تريحك .. عندنا شيوخ زى الفل .. وعندنا صكوك غفران .. و هنشفعلك يوم القيامه .. أعوذ بالله من غضب الله .. ده فيه أعلان بيقولك " أتصل وماتخليش ولا حسنه تفوتك " فيه اكتر من كده إسفاف ؟

أخر حاجه بقى .. البوب الكبير .. "ممدوح فرج" .. خط التخسيس .. أعلان أبن كلب مسخره " عايز تبقى زى الأبطال دول ؟ .. أتصل بيا .. أماكن كتير فى جسمك بقى شكلها غريب؟ .. أنسى .. عندك ترهل وسمنه و الكرش مضيقاك؟ .. برضه انسى .. رياضه .. لياقه .. قوه .. وهنرجعلك عضلاتك ونشفط الدهون .. ونرقصك باليه .. بس أنت إتصل " كل ده هيعملوا فى التليفون .. المشكله ان ممدوح فرج تخين وجسمه وحش أساساَ .. طيب كان ظبط نفسه الأول .. حاجه مسخره والله .. الله يخرب بيت اللى كان السبب

: (

لابد أن تقف أولاَ على قدميك لكى تقاتل .. لا أحد يقاتل جالسا

...

مبسوط :)

ظبطت نفسى متلبسا بالأنبساط - على غير العاده - يمكن عشان رمضان .. يمكن عشان قربت أخلص المدعوق .. مش عارف .. المهم انى مبسوط أوى وحابب شكل الناس والتراويح والزحمه و الألوان .. المصريين دول جمال أوى وهم مبسوطين ورايقين ومش شايليين هم بيبقوا طيبين قوى وحابين بعض واخلاقهم كويسه .. الله يجازى اللى دايقهم وفقرهم وشّيلهم الهم .. ربنا يصلح حالنا وحال المسلمين جميعا ويديم علينا نعمه الأنبساط

ملحوظه عبيطه - متركزش معاها كتير

ا" الأنبساط اعمق و أجمل من السعاده لغوياَ " متسئلش ليه

Head Rest ..

Just relax

...

يارب .. اللى تشوفه

حينما كان يلقي بجبهته علي الأرض ساجداً كان يدعو( يارب رحمتك) ثم صار يدعو (يارب الصبر) .. ثم (يارب الرضا) وأخيراً عندما صار لا شئ يصلح ، صار يدعو (يارب ... اللي تشوفه) !! ا

منقول "مدونه - من الأول" ا

Waiting ..

ا

ومابين كده أو كده .. مش مرتاح أنا .. خلينى بقى كده .. يمكن الهنا مدّارى فى صبرى عليك

Find 5 differences !!

مش داعيه

مش عاهره

هى الناس جرا لها ايه ؟ 1

لا إله إلا أنت سبحانك إنى كنت من الظالمين

ال70 مليون محجوب عبد الدايم

آاااااه يا بلد ال70 مليون "محجوب عبد الدايم" !! ا

;)

أزاى ساكت على روحى ده كله ؟

معقول أنا قضّيت العمر ده كله زى ما رحت زى ما جيت ؟

معقول أنا عمرى ما فكرت ولا أتغيرت ولا حبيت ؟

وأزاى ساكت على روحى ده كله ؟ وليه أستنيت ؟

أغنية "المرايه" وجيه عزيز

تحذير أمنى

لأنك مواطن معارض ســـــــئيل

وعامل مفتح ودمك تقيــــــــــل

ونايم بتنفخ و قايم بتنفــــــــــخ

تحسبن وتصرخ و نازل عـويل

وحاقد وجاحد مـنفسـن وبيئــــه

وفاكر حكومتك مصحه وسـبيل

وعايش في نعمه و ناكر لخيرنا

فمعني اعتراضك ده نكران جميل

وبتقول حقوقي .. جتك كسر حُقك

حقوقك فنيتو و حظــك قــلـــيل

ومن أجل ذلك حقولك حقيقتك

وسرك معايا و عندي الدليــــــل

بأنك أساسا مواطن عويــــــــل

ومانتش مواطن مـأصّل أصيـل

ولاقيين جنابك علي باب حارتنا

ومن غير كفولة و مانتاش كـميل

موصل بفيشه و ملفوف بخيشـه

واسمك نفيشه مهوش اسماعيل

وأمك مسافره...وأبوك بالمعافره

لقي له ف جهنم وظيفة و كفيــــل

وغامقة نهايتك يا فالح و ســـــودا

وأخرتها تهمه بانك عميـــــــــــــل

وجاي لجنابك يقفــــــــــل حسـابك

سيادة المقدم معــــــــاه عزرائيــل

فودع عيــــالك و أهلك ومــــــالك

لأنك مسافر ... وسفرك طويــــــل

تحذير أمنى " إيمان بكرى " ا

فوبيا .. فوات الأوان

واحداَ من أسؤ كوابيسى .. أن تأتى الأشياء بعد فوات الأوان .. ا

انها اللحظه التى يستيقظ فيها الأرنب ليجد أن السلحفاة قد أصبحت على مشارف خط النهاية فى قصة "الأرنب و السلحفاة" الشهيرة .. لن يكسب السباق رغم أنه الأسرع .. لقد أستيقظ .. بعد فوات الأوان !! ا

أن يصبح بمقدورك شراء اللعبه التى طالما تمنيت اللعب بها وأنت صغير ولكن الأن لم يعد لديك رغبة فى اللعب !! ا

أن تظهر براءتك فى الجريمة المنسوبه إليك .. بعد مرور 10 أعوام من دخولك السجن .. كفاره !! ا

ا

أن تتمكن من الزواج عندما يصبح عندك 40 سنه !! ا

أن تتمكن من الأنجاب عندما تصبح غير قادر على تربية الأبناء !! ا

أن يتم تكريمك على أعمالك العظيمه .. فى ذكرى وفاتك !! ا

المشكلة هنا فى أنك تكون خاسراَ فى جميع الأحوال .. ا

ا

فى البدايه تكون خاسراَ لأنك " لم تستطيع " شراء اللعبه – اثبات براءتك – الزواج مبكراَ ..ا

ا
ومع مرور الوقت تكون قد فقدت الرغبة "نفسيا َ" أو القدرة "بدنياَ"َ على الأستفاده / الأستمتاع .. ا

ا

المشكله الأكبر فى أنك قد حصلت على ما تريد فعلآَ

اللعبه – البراءه – الزواج – الأنجاب – التكريم .. ولكن بعد فوات الأوان .. أى أنك لن تحصل حتى على شرف الحرمان من تلك الأشياء !! ا

ويبقى الوضع على ما هو عليه : )

جريح القلب والكرامه .. أهيم على وجهى ككلب بلا مأوى .. حراره الجو تبخر لذة المشى .. المقهى منقذ من ضجر الوحدة .. أجلس وأطلب القهوة وأرهف السمع .. أسمع وأهنأ بشئ من العزاء .. أنتم إذا شئت حزب وهمى لاشعار له إلا الرفض .. إن أضجرك الكلام فمد البصر الى الطريق .. راقب حركة الذاهبين والجائين .. حركة سريعه لا تتوقف ولا تنقطع .. وجوه مكفهرة ماذا وراءها ؟ الرجال والنساء والأطفال , حتى الحبالى لا يقرن فى بيوتهن .. كل يحمل مأساته أو مهزلته .. حوانيت الأثاث والبوتيكات مكتظة .. كم أمه تعيش جنباَ إلى جنب فى هذه الأمه ؟ أضواء الميدان قوية مثيرة للأعصاب , ومثيرة للأعصاب أيضاَ قوارير المياه المعدنية على موائد السياح .. ماذا نشرب نحن ؟! وأغرب الأغانى تنطلق من التاكسيات فى راديو المجاذيب .. لا يبقى على حاله التى كان عليها إلا الشجر والعمائر .. وتدوى خطبة من الراديو فى مكان ما فتنشر الأكاذيب فى الجو مع الغبار .. تعب .. تعب .. فلنعد الى الكلام .. خرابة صغيرة بمائة ألف .. الجرائم الأكاديمية فى الجامعة .. كم عدد اصحاب الملايين ؟ الأقارب والأصهار والطفيليون .. المهربون والقوادون والشيعة والسنة .. حكايات ولا ألف ليلة .. الجرسون عنده أيضاَ حكاية وعند ماسح الأحذية .. متى تبدأ المجاعة ؟ الرشوة عينى عينك بأعلى صوت .. الأستيلاء على الأراضى .. شيخ العصابة له أوراد .. والفتنة الطائفية من يوقظها ؟ مجلس الشعب كان مكان للرقص فأصبح مكان للغناء .. الأستيراد بدون تحويل عملة .. أنواع الجبن .. البنوك الجديدة بكم البيض اليوم ؟ والنقود فى ملاهى الهرم .. وفسخ الخطبة ! ماذا قال إمام الجامع على مسمع من جنود الأمن المركزى ؟ لا مرحاض عام فى الحى كله .. لم لا نؤجرها مفروشه ؟ ما هو إلا ممثل فاشل .. وضرب المفاعل العراقى ؟ صديقى بيجن .. صديقى كيسنجر .. الزى زى هتلر والفعل شارلى شابلن .. ويسود صمت شامل ريثما تذهب امرأة قادمة من الطريق إلى بيت دعارة وراء المقهى وتعقد مقارنة بين تضخم عجيزتها والتضخم المالى العام .. متفائل يؤكد أنها تشتغل لتجمع رسوم رسالة الدكتوراه وأن قلبها انقى من الذهب .. شاب شاذ يقترح الشذوذ كحل لآزمة الحب فى الطبقة ذات الدخل الثابت وأيضاَ لتحقيق الهدف من تنظيم الأسرة .. لاخلاص إلا بالخلاص من كامب ديفيد .. العودة إلى العرب والحرب .. حرب أبدية والويل لعملاء التطبيع .. كفى .. كفى .. فى الوقت متسع لقليل من التسكع !! ا

رواية " يوم قتل الزعيم " 1985- لنجيب محفوظ

تأملات ..

أجمل منظر ممكن تشوفه على الصبح منظر أطفال صغيرين رايحين المدرسه لوحدهم وهم مبسوطين .. قد ايه شكلهم جميل ويدعوا للتفاؤل والأحساس بالأمان .. ا

24 years ..

العضمه كبرت .. هيييييييييييه دنيا !! ا

Santa in Egypt !!

نظريه الطفو

أنا أطفو .. فقط أطفو .. ا

تعلمت الطفو لأننى لا أعرف لى واجهه أسبح إليها .. اتعلمت الطفو لأننى أدركت ان السباحه بلا هدف لا تؤدى إلا لمزيد من الأجهاد بلا طائل .. ا

لذلك فأنا أطفو .. أطفو بدلاَ من الغرق .. أطفو بدلاَ من ان ابذل مجهود زائل .. ا

أطفو لأننى لا أملك الشجاعه لأن أموت و لا الوسيله لأن أحيا و لا الهدف لأن أبذل جهداَ فى سبيل الوصول أليه .. فقط أطفو .. ا

من قال أن فى الطفو صبر ؟! الطفو لا شئ .. الطفو قله حيله وسلبيه .. الطفو .. طفو !! ا

قد يبدو الأمر من بعيد أنى مستلقى أنعم بالأسترخاء أو قد يبدو أنى جثه تتقاذفها الأمواج .. ولكن فى حقيقه الأمر أنا أطفو .. فقط أطفو تبعاَ لقوانين الطفو التى وضعها أرشميدس .. ا

وأرشميدس كان عالماَ فى الفيزياء .. لم يدرك أبداَ البعد النفسى للطفو .. فقط الكتله والحجم وعجله الجاذبيه الأرضيه .. لم يدرك أبدا حجم المعاناه التى يعانيها الجسم الطاف ا

لذلك فأنا لازلت أطفو منتظراَ .. منتظراَ لسفينه عابره تنتشلنى أو أن تلقى بى الأمواج على إحدى الشواطئ أو أن أغرق أو أن أموت كمداَ نتيجه لأننى لازلت أطفو !! ا

Tough !!

عشان انت مصرى

عشان انت مصرى

عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تآسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ .. جتك القرف

أحمد فؤاد نجم

I miss myself ..

I miss those hopeful eyes ..

I miss that passion and glow ..

I miss my childhood ..

I miss myself ..