معذره إذا كان الموضوع يحتوى على بعض الألفاظ الخارجه .. بس هيه بقت كده .. ملهاش اسم تانى ..ا
أعتقد أن %90 من مشكلات الشعب المصرى نتيجه لثقافه التع-تيييت والتى أدّت الى تدهور جميع المجالات الثقافيه والسياسيه و الأجتماعيه .. إلخ
والتع-تيييت كسلوك قد أصبح عاده عند الشعب المصرى وأستشرى بشكل رهيب حتى أصبح هو الأساس فى معظم التصرفات ..ا
التعليم ..ا
والنتيجه جيل من الجهله حاملى الشهادات وأصحاب المجاميع الفلكيه .. والعيال تفرح والأهالى تفرح والوزير يفرح " وزغرطى يللى مانتيش غرمانه " !!ا
المرور ..ا
رخصتك يافندم .. حضرتك سايق على 190 .. مش رابط الحزام .. ومفييم العربيه و .. ا
إنت عارف إنت بتكلم مين يا حيوان ؟؟ .. أنا ابن اللواء (...) ا
لا مؤاخذه .. أتفضل يا فندم .. اسف على الأزعاج
عالم بهايم .. أنا عارف بيجيبوكم منين ؟
الواسطه .. ا
الواسطه هى صوره حيّه من صور التع-تيييت الذى تشهده بلدنا بكثافه .. أى حاجه بقت بالواسطه ..ا
دخول المدارس بالواسطه
تخليص الورق فى المصالح الحكوميه بالواسطه أو بالرشاوى ( صوره أخرى من صور التع-تيييت ) ا
تطليع رخصه بالواسطه
الخروج من الجيش أو التظبيط فيه بالواسطه
الشغل بالواسطه
التمثيل والغناء بالواسطه .. أو المواهب " مش لازم تكون مواهب فى التمثيل والغناء " ا
حتى السفر بره البلد بالواسطه .. " يعنى كمان مش هتعرف تسيبها !! " ا
فى نوع تانى من التع-تيييت .. " التع-تيييت الميرى" .. ا
وده بتلاقيه فى الشرطه و الجيش .. بيبقى بأوامر .. عملاَ بسياسه " عبد المأمور " أو عملا بسياسه " أربط نفسك جنب الحمار .. مكان مايعوز صاحبه " !! ا
أخرحاجه بقى وصلها الشعب المصرى فى التع-تيييت .. ا
.. (Self Ta3-teeet) اأنه بقى يع-تيييت على نفسه
ارتضى المهانه .. فى أقسام الشرطه و المصالح الحكوميه والمظاهرات
ارتضى التزوير .. وباع صوته فى الأنتخابات " بقى يطلع بأى مصلحه .. هى كده كده خربانه " ا
ارتضى السرقه .. ركّب وصله دشّ - زوغ فى المترو/ الكمسرى - سرقه خطوط التليفون - سرقه الكهرباء ...ا
ارتضى العرى و الأباحيه .. هى الناس مبتشوفش بناتهم لابسين ايه ؟ ولا بيلبسوهم كده عشان يتجوزوا ؟ طيب مابيشوفهمش بيعملوا ايه فى المصايف .. العجمى .. مارينا .. وشواطئ مارينا .. ودلع مارينا .. ورقصنى يا جدع .. واهى ماشيه .. ا" وأبقى تعالى باليل وأنا اوريك الويل " ا
حتى الأمثال .. بقى فيه موروث من الأمثال الشعبيه بتدعوا للتع-تيييت .. ا
عك .. وربّك يفك
طرّيها .. الناس لبعضيها
دماغى و( ... ) .. وحمد الله على سلامتى
عك ولييس .. كله كويس
كببر
نففض
سقّع دماغك
أشترى دماغك
على فكره سياسه التع-تيييت جزء من عبقريه الشعب المصرى .. نوع من أنواع التكيّف السلبى مع الواقع المؤلم .. بس للأسف أدّت لنتائج مدمره .. ربنا يتولانا برحمته .. آمييين
8 comments:
السلام عليكم ورحمة الله وبركاته
لو بحثنا وراء الموضوع ده ها نلاقي ان
غريزة البقاء بتلعب فيه دور كبير اوي
ماهو الشعب لو ماعملش كده ها يطق ويموت ويفني
وبالتالي كمان كام سنة مش هاتلاقي حاجه اسمها الشعب المصري
يا مصر كم فيك من مضحكات مبكيات
لنا الله ....و يجعله عامر
بوست هايل يا ايهاب و ربنا يرحمنا بقي من هذه السياسه لانها لن تقودنا الي الا المزيد من الخراب
تحياتي لك
يا إيهاب إنت لخصت اللي إحنا كلنا شايفينه وبنعاني منه...خلاص بقي جزء من حايتنا ... بنشوف إنه هو ده الطبيعي
سلامي ليك
بوست جميل تقريبا لخصت معظم مشاكلنا بس نسيت ان ده له سبب ان اصلا الشعب مابيقدرش يعمل أكتر من كده لانه لو رب البيت بالدف ضارب ..............
تحياتي
رائع يا ايهاب
الشعب المصري شعب سلبي بكل المقاييس
ودي مش سياسته بس فس بلده هربا من الاوضاع المزرية
دي سياسته في اي مكان تاني برة بلده
احنا كمصريين مالناش قيمة لا في بلدنا ولا برة بلدنا
فعلا السلبية المطلقة عنوان المصري
هو الشعب هيعمل ايه يعنى مفيش فى ايده حاجه لو مدفعش رشوه مش هيمشى حاله وبقى ليها اسامى كتير اوى
اكراميه _حاجه ساقعه_مشى حالك _اهرش
حاجات كتير من دى وجوه المصالح الحكوميه
ومش بعيد نلاقيها جمب صورة اسمه ايه صاحبنا
والناس مبقتش فاضيه تفكر فى حل للازمه كلنا الشعب واخد على دماغه ومش دريان مش بيفكر غير فى لقمة العيش
حسبى الله ونعم الوكيل
Post a Comment