مش عارف فيه كلام مستفز بقييت اسمعه كتيير اليومين دول .. هو الكلام كمان بقى فيه موضه ؟
يعنى مثلاَ من كام شهر كان فيه موضه " حد " .. البنت دى حد طيب أوى .. انت حد كويس !! ا
اليومين دول فيه موضه " آخر حاجه " .. أغنيه جامده آخر حاجه .. ولد ظريف آخر حاجه !! ا
فيه بقى كلام تانى خنيق بيتقال بس ده مش موضه .. بيتقال من باب التغيير بس
مثلاَ " طيّوب " بدل طيب .. " مش تعمل " بدل متعملش .. مش تزعل .. مش تتنيل !! ا
متوقع انى الاقى كومنت من حد مش طيوب بيقول ان البوست جامد آخر حاجه ياريت مش تعملوا فيا كده !! ا
12 comments:
مش تضايق نفسك كدة
اصل انا كمان بقول الكلام الجديد ،بس بدون وعي وشكرا انك خلتني اخد بالي
عيد سعيد وكل سنة وانت بالف خير
هي مش تعمل طلعت من ضمن الكلام الجديد
بصراحة كنت باتضايق لما اشوف حد كاتبها وكنت بافتكر ده راجع لسوء علاقته باللغة العربية عموما والعامية المصرية خصوصا
وكنت باستغرب واقول طيب اللى علاقته وحشة بالعربي جاب منين مش قبل الفعل
ماكان مفروض يحط الفعل الاول وبعدها الشين زي مااحنا متعودين واهي اوفر فيها توفير يعني بناقص حرف الميم
لكن اول مرة اعرف انها تبع الكلام الجديد
اصل انا قديمة صراحة ومش باحب استخدم الالفاظ دي اصلا
ساعات الواحد بيقول الكلام ده وهو مش واخد باله
بس انا شخصيا بحب التقاليع
يعنى بحب الحاجات الجديده حتى لو منها الكلام
وهو ده التطور الطبيعى للغه
تحياتى
هى كلمة ( اخر حاجة ) دى اللى غبية بجد
الواد قماح بتاع ستار أكاديمى هو اللى طلعها تقريبا ..أنا لاقيت العيال فى اكللية ماسكنها بسألهم قالوا ان قماح بيقولها
...
أنا ساعات بقول مش عملت كذا
لكن ما بقولش لكن مش تعمل كذا
ولو إنها مش فارقة كتير ..لكن بقولها لما تكون الكلمة تقيلة أوى ..على الأقل على لسانى
...
فى برضة كلمة ( جميل) انت حد جميل أوى
دى بيقولوا الممثلين لبعض
...
هدى بالك شوية و يطلع كلام غيره و أفقع منه كمان
كلنا لها
:)
كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره
تحياتى لكل عظيم وعظيمه
عادى هو ده التطور وشغل الجامعات المصريه الى نجحت فى طمس الهويه العربيه
الموضوع بتاع مش تعمل ده انا بصراحة شايفه من منطلق الرقة الفظيعة اللى البنات طلعا فيها اليوميين دول علشان تحاول تنسى انها يعينى بقيت زى الرجالة من ناحية انها بتشتغل وتتمرمت زية والحاجات التانية الكتيييييييييييييييير اللى البنات بقت بتعملها ومخالفة لطبيعتها ك Female مش هاقول انثى علشان الكلمة دى بقت offensive قوى
صدقنى والله انت اخدت الكلام من على طرف لسانى
وكله كوم وبتاع (اخر حاجة) ده كوم تانى
طب افرد كان فيه بعديه حاجة تانية .. نتوه احنا فى السكة بقى
سيبك من الوش ده
وخليييك كوووووووول :)
والله عندك حق
انا مش فاهمة ايه حكاية آخر حاجة دى؟؟؟
لا حول ولا قوة الا بالله
لا ونسيت تقول على سيكا
زى ماتنساش تظبط البوست ده سيكا يعنى سنة او حبة كمان
ولا فهمى .. يعنى تنفض لحد
يووووووووووووه ده يوميا حاجات جديدة ياعم
إتاك انت بس ع الصبر
(",)
انت بقي مش سمعت عن موضة ........ فاكس و افكس
اللي هو يقولوا مثلا افكس للموضوع
او الحاجه دي فاكس اّخر حاجه
و كمان اتكدرت
ياه ه ه ه ه ه ه
مصطلحات زفت اّخر حاجه الحقيقه
عادي الكلام دة كل يومين يطلع حاجة جديدة تبع الروشنة
انا عنيد في اليمل بوكس كتاب اسمه قاموس الروشنة بيقول كل الكلمات الجديدة دي
بجد حاجة غريبة جدا
والله العظيم عندك حق كلام غريب ونسيت كمان كلمه شاور ما طول عمرنا بنقول داخلين نستحمي اشمعني دلوقتي الثقافه اشتغلت طول عمرك تسأل العيل الصغير رايح فين يازفت يقولك داخل استحمي دلوقتي تقوله رايح فين ياهاني يقولك هاخد الشاور بتاعي انا عن نفسي غايظاني اوووووووووووي الكلمه دي
رمضان كريم
Post a Comment