Friday, December 28, 2007

نظريه الطفو


أنا أطفو .. فقط أطفو .. ا

تعلمت الطفو لأننى لا أعرف لى واجهه أسبح إليها .. اتعلمت الطفو لأننى أدركت ان السباحه بلا هدف لا تؤدى إلا لمزيد من الأجهاد بلا طائل .. ا

لذلك فأنا أطفو .. أطفو بدلاَ من الغرق .. أطفو بدلاَ من ان ابذل مجهود زائل .. ا

أطفو لأننى لا أملك الشجاعه لأن أموت و لا الوسيله لأن أحيا و لا الهدف لأن أبذل جهداَ فى سبيل الوصول أليه .. فقط أطفو .. ا

من قال أن فى الطفو صبر ؟! الطفو لا شئ .. الطفو قله حيله وسلبيه .. الطفو .. طفو !! ا

قد يبدو الأمر من بعيد أنى مستلقى أنعم بالأسترخاء أو قد يبدو أنى جثه تتقاذفها الأمواج .. ولكن فى حقيقه الأمر أنا أطفو .. فقط أطفو تبعاَ لقوانين الطفو التى وضعها أرشميدس .. ا

وأرشميدس كان عالماَ فى الفيزياء .. لم يدرك أبداَ البعد النفسى للطفو .. فقط الكتله والحجم وعجله الجاذبيه الأرضيه .. لم يدرك أبدا حجم المعاناه التى يعانيها الجسم الطاف ا

لذلك فأنا لازلت أطفو منتظراَ .. منتظراَ لسفينه عابره تنتشلنى أو أن تلقى بى الأمواج على إحدى الشواطئ أو أن أغرق أو أن أموت كمداَ نتيجه لأننى لازلت أطفو !! ا

8 comments:

BaTaBeeT said...

الطفو = الاستسلام

تعبت من المحاولة والمقاومة
استسلم بقى... يمكن ده يخدك للى انت عايزه او يمكن لأ

who knows !!!!

اهو تقليب مواجع

بنوتة من وسط البلد said...

المهم وانت بتتطفو تاخد بالك لا تيجى سمكة قرش ولا حوت ويلعب معاك اكلك منين يا بطة :)

والامر يتوقف تماما على مكان الطفو اذا كان فى بركة ولا نهر ولا بحر ولا محيط

المهم تقدر على الطفو ... لان الطفو اصعب بكتييييير من السباحة

وساعتها بدل ما هتفتكر ارشميدس .. هتدور على دكتور علاج طبيبعي :)

تحياتى

ihapoof said...

Batabeet

nop u misunderstand it .. el tafw mesh esteslam .. el tafw " sabr egbari "
7aga keda zai el bayat el shetwi 3and el 7aywanat l3'ayet ma el gaw yt7asen ;)
take u 2 what u want or not .. it isn't up 2 u it is up 2 fate

cheer up ;)

ihapoof said...

bannota

و انت بتطفو مفيش حاجه اسمها تخلّى بالك

انت بتطفو بس 00 جالك قرش جالك قنديل سمكه دخلت فى المايوه دى كلها حاجات متوقعه

الطفو لازم يبقى فى مكان مفتوح عشان انت لو شايف شط هتروح له 00 هو الواحد بيطفو بمزاجه !!

وقادر اللى خد منى الفيل يرجعهولى :)

مـــهــا said...

أنا مش عارفة أرد .!
و حاسة إنى لو رديت هارد بكلامى هزلى مايليقش بالبوست ولا يليق باللى حسيته بعد البوست
...
يا أخى أنت من أحسن الناس اللى قريت لها فى حياتى
مش الأحسن ..قلنا من أحسن
تفرق
:D

أتمنى ان أثناء طفونا نلاقى حد طافى زينا ..و فجأة نقرر إننا نقوم ..قبل ما تيجى حاجة تغرقنا
مجرد أمنية .!

ihapoof said...

Maha

thanx alot .. Da kalam kbeer awi :)

rabena y7'alleki ..

wish u a happy floating ;)

the girl in the mirror said...

مش قادرة اقولك انى ماشية من اول المدونة عمالة اقول طب هقرا البوست الجاى و بعدين ارجع اعلق على كل واحد لحد البوست ده مقدرتش..عينى دمعت فعلا


"أطفو لأننى لا أملك الشجاعه لأن أموت و لا الوسيله لأن أحيا و لا الهدف لأن أبذل جهداَ فى سبيل الوصول أليه .. فقط أطفو .."

.........لا تعليق.......

بنت مهيسة اخر حاجة said...

مع ان فيها يأس واستسلام
لكن كأسلوب أدبي .. رائعة