Thursday, October 12, 2006

طاطى



طاطي راسك طاطي طــــاطي انت ف وطن ديمقراطـــــــي
انت بتنـــعــــم بالحــــــــــرية بس بشرط تكون مطاطــــــي

لما تكون شغــال بذمــــــــــة

خايف على مصــلحة الأمــة
شغلك يطلع من غير لازمــة
علشان مبيعلاش غير واطي


طاطي راسك طاطي طاطـــي
انت ف وطن ديمـــــقراطي


لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي


طاطي راسك طاطي طاطـــي
انت ف وطن ديمـــــقراطي


لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي


طاطي راسك طاطي طاطــــي
انت ف وطن ديمقراطـــــــي


لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي


طاطي راسك طاطي طاطـــي
انت ف وطن ديمقراطــــــي

لما الجهلة يبــــــقوا أمــامــك

أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي


طاطي راسك طاطــــي طاطي
انت ف وطن ديمقـــــــراطي
م

لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي


طاطي راسك طاطي طاطـــي
انت ف وطن ديمقراطــــــي انت ف وطن ديمقراطـــــــي


للشاعر أحمد فؤاد نجم

2 comments:

شيمـــــاء said...

طاطى راسك طاطى
علشان الجيش فيها واحد ديمقراطى
لو شاف الكلام ده
مش هتعدى من الجيش المرة دى


تحياتى
:D

elgharep said...

شكلها كده حنطاطى كتير أوى وعلى فكرة أحنا اللى عمليين فى نفسنا كده