مش أنا إتقبض عليا .. آه والله .. كنت واقف فى الطريق الصحراوى فى عز الضهر مستنى حاجه أركبها عشان أروّّّّح .. لقيت عربيه جيب .. نزل منها نقيب و 2 عساكر·
· أنا : ليه يا فندم ؟! ا
· النقيب : عشان المصيبه اللى انت عملتها
· أنا : مصيبه !!! ا
· النقيب : القائد كان معدّى وشافك كده ! ا
· أنا : كده ؟! ا
· النقيب : أيوه .. واقف فى الطريق وكمان قالع الباريه !!! .. إركب
· أنا : (. . . .) !! ا
وركبت - بصراحه لقيتها مصلحه أهو أى حد يوصلنى بدل ما أنا واقف فى الصحراء كده – وأتعملى تحقيق .. وفضلت قاعد من الساعه 12 الضهر لغايه المغرب وبعد كده مشّونى ولسه القضيه بيتحقق فيها ! ا
على فكره .. دى مش أول سابقه ليا .. مره أتقبض عليا قبل كده عشان كنت حاطط إيدى فى جيب الترينج عشان الجو كان برد .. أه والله .. جيبى أنا !! ا
أنا بتكلم بجد والله .. الحاجات دى حصلت بجد ! ا
وإسلمى يا مصر اننى الفدا !! اا
8 comments:
هههههههههههههههه ..دنت سوابق بقي .. اوعى تشرب ادام القائد بقي لحسن تاخد مكنة .. حصلت لواحد صاحبي القائد شافه وهو بيشرب .. ههههههههههههههههههههههههههههههههههههه
ربنا معاك يا بنى ... تحياتى ...
ده بجد!!!
يا للضاعقة علي طريقة يوسف بك وهبي
ربنا يعينك
السلام عليكم
ما انت عارف التقاليد العكسرية
ايه بس اللي خلاك تقلع الباريه يا زمل
انا بقي اخدت جزا عشان تخاذلت في اداء التحية العسكرية لثلاثة ضباط برتبة نقيب معلم علي المنصة في كلية الضباط الاحتياط
اعتقد ان مصبتي اشنع بكتير من خلع غطاء الرأس
مش عارفه اعلق أقول أيه أصلى مدخلتش الجيش قبل كده
ده فى الجيش يعنى ولا إية ؟؟
لو الجيش نقولك ماشى ..ما هما حبة ناس معقدين اتلموا على بعض ..
لكن بره الجيش...خيييييير؟
هههههههههههههههههههه
والله جميل ياباشا, انت سوابق بقى ومشرفنا
المشكله انه كان عايزك تلبس الباريه خوفا على راسك من الشمس مش اكتر
قلت لى انت دفعة كام؟
حصلت معايا برضو بس مفيش أي إجراء اتخد ،، أنا ١٣٤
Post a Comment