Monday, August 27, 2007

شيطانى العزيز .. حل عنى شويه


؟ private عندى سؤال غريب شويه .. هو كل واحد ليه شيطان
ولا أى شيطان بيوسوس لأى حد ؟


أصل لو كل واحد ليه شيطان خاص يبقى الشيطان بتاعى لازم يتكرم .. بصراحه الراجل مش مقصر معايا .. ما بيونّش


شغال ليل ونهار .. 24 ساعه .. مخلص جداَ فى عمله .. ده غير انه عبقرى ومبدع .. بس هى البلد دى كده محدّش بيأخد فيها حقّه .. حتى الشياطين !! ا


بس هو أكيد مرشّح يأ خد جائزه " إبليس فى الوسوسه " عن مجمل أعماله .. ربنا يكرمه ويحل عن دماغى بقى ! ا

5 comments:

micheal said...

اللهم أخزيك ياشوشو

Anonymous said...

السلام عليكم

السؤال المهم الان :

هل هو ناجح فى عمله الذى يؤديه من خلالك ام لا ؟
شغله بيجيب نتيجه يعنى وللا انت اشطر منه ؟

(;

مؤمن

ihapoof said...

Micheal

آميين يارب




مؤمن

والله يا أبو مؤمن لكل مجتهد نصيب ;)

Mustafa Rizq said...

الراجل بيجري على اكل عيشه، و بعدين دا قابض مقدم أكيد هايخلي عنده ضمير
أو ممكن يكون شيطانك مش مصري و إلا كان زمانه واخد كام يوم مرضي على كام يوم عارضة و بيشم الهوا ف بحري

3ala asm masr said...

خليك انت اشطر منه واغلبه زهقه فى عيشته هيحل عنك ويلعن اليوم اللى شافك فيه
تحياتى